Велосипедски полициски патроли од денеска низ Струга
– Одделението за внатрешни работи во Струга денеска ја активираше велосипедската полициска патрола, како нова и современа форма на полициско превентивно работење, градење партнерство и поблизок контакт со граѓаните
Велосипедската полициска патрола, според портпаролот на СВР Охрид Стефан Димоски, треба да обезбеди поголема мобилност на полициската служба во одржувањето на јавниот ред и мир, укажување помош и заштита на граѓани и поголема ефикасност во извршувањето на вкупните полициски работи.
– Патролата е ефикасна во спречување, откривање и пронаоѓање на сторители на кражби по плажи и паркинг простори и на други казнени дела. Велосипедската патрола ќе придонесе за афирмација на велосипедизмот како спортска дисциплина и здрав начин на живот и ќе го зацврсти позитивниот имиџ на полицијата во јавноста, изјави Димоски.
Низ струшките улици и плажи предвидено е да патролираат два полициски тима на велосипеди.