(ВИДЕО) Хеликоптерот на МВР исфрлил над 39 тони вода, пожарот на планината Серта сѐ уште е активен
Од Министерството за внатрешни работи (МВР) велат дека полицискиот хеликоптер дејствувал на пожарот меѓу штипските села Драгоево и Селце.
Оттаму додаваат дека пожарот е сѐ уште активен и се продолжува со активности за негово гаснење.
Пожарот на планината Серта во делот над селата Драгоево и Селце на територија на Општина Штип, како што информира директорот на Центарот за управување со кризи (ЦУК), Стојанче Ангелов, е еден од најсериозните што ниту вчерашниот дожд не успеал да го изгасне.
Ангелов вели дека денеска, до 14 часот, активни се вкупно осум пожари на отворено низ цела Македонија.