(ВИДЕО) “Какви односи – такво видео” Британската династија со снимка го одбележа крунисувањето. Еве колку секунди “потроши” на Хари

Британското кралско семејство денеска ја слави првата годишнина од крунисувањето на кралот Чарлс и кралицата Камила. Церемонијата се одржа во Вестминстерската опатија во Лондон. По тој повод е снимено видео, каде на принцот Хари му се дава малку време, што е изненадувачки со оглед на тоа што помладиот син на монархот и принцезата Дијана немал официјална улога на настанот бидејќи формално не бил член на дворот од 2020 година.

Видеото го доловува тој детал, но може да се каже дека дава и поширока слика за неговиот однос со семејството во Британија

Kакви односи – таква улога во видеото.

Принцот Хари минатата година беше во Велика Британија 28 часа, по повод крунисувањето на Чарлс III. Сам влезе во Вестминстерската опатија, а потоа, случајно или не, бил сокриен од огромна свеќа за време на церемонијата.

Спотот во чест на крунисувањето е придружен со нова песна на Сајмон Армитиџ, со наслов „Непоканет гостин“, пишува Дејли Меил.

Хари ќе биде во катедралата Свети Павле во Лондон на 8 мај на 10-годишнината од игрите Invictus, кои тој ги спонзорира. Меган Маркл нема да биде со него на настанот, но ќе му се придружи подоцна во Нигерија каде и двајцата ќе присуствуваат на настан инспириран од игрите

Како причина за нејзиното непојавување се наведуваат претходните семејни скандали, но и фактот дека е свесна дека не е популарна во Британија. Потенцијална причина би била и тоа што сака да избегне скандал и дополнително внимание, додека дворот сè уште се бори со тешката ситуација бидејќи монархот се лелува од ракот (неодамна се врати на јавните должности), а Кејт Мидлтон исто така боледува.

Оние кои не веруваат во претпазливоста на Меган Маркл истакнуваат дека односите се уште се многу нарушени.

„Мирор“ напиша дека Кејт и принцот Вилијам дури и ги поканиле војвотката и војводата од Сасекс да дојдат во Лондон со нивните деца, Арчи Харисон кој денеска го слави петтиот роденден и Лилибет Дијана, бидејќи долго време не ги виделе момчето и девојчето. Тоа би значело дека е пропуштена можноста за помирување, иако се уште има некои надежи за враќање на Хари.