Видео: Косовските специјалци извршија упад во Северна Митровица
Kако што јави известувачот на Косово онлајн, полициски службеници биле распоредени низ градот и ја блокирале цела Северна Митровица.
Според извори на кои се повикуваат косовските медиуми директивата што ја добиле полицајците била „да се обезбеди безбедност“.
Според Косово онлајн, припадници на косовската полиција фрлиле и две шок бомби.
Граѓаните на Северна Митровица се собираат на улиците, зборуваат за се што се случува во последните неколку дена, тензично е, но без инциденти.
Сите кафулиња се затворени, а жените и децата се засолниле од улиците.
Ситуацијата засега е мирна, а низ градот патролираат и членови на ЕУЛЕКС.
Портпаролот на Владата на Косово, Перпарим Крејзиу, вечерва за Радио Слободна Европа изјави дека на северот на Косово е испратена „само полиција“, демантирајќи ги медиумските извештаи во Србија дека специјалните единици биле испратени на северот на Косово.