(Видео) Се откачи рингишпил во Србија, најмалку 13 повредени, претежно деца

Најмалку 13 лица се повредени, од кои едно потешко, кога излета дел од конструкцијата на рингишпилот на панаѓур во Куршумлија.

– Екипите се на терен. Засега едно лице е во тешка состојба и со возило на брза помош итно е префрлена во Прокупље – изјави за Танјуг лекарот од Здравствениот дом Куршумлија, Славиша Дошовиќ.

Како што пренесе „Блиц“, едно дете било реанимирано и е во тешка состојба.

„Едно дете е во кома, 13-годишно девојче и неколку пати е реанимирано, уште две деца се со тешки повреди и со приватен автомобил се превезуваат во Ниш. Тие се брат и сестра. Во болницата во Прокупље згрижени се четири деца – вели извор на „Блиц“.

Вртелешката била поставена на платото кај автобуската станица, а МВР на Србија наведува дека полицијата и итната помош се на терен.

Досега во болницата во Прокупље влегле пет возила на Брза помош. Според неофицијални информации, повеќето од повредените се деца.