(ВИДЕО) Силно невреме го зафати Хјустон: има загинати, а градот е во мрак

17.05.2024 09:15
368 Читање помалку од 1м

Четири лица загинаа во силно невреме во градот Хјустон во американската сојузна држава Тексас.

Две лица загинаа кога врз нив паднаа дрвја, кои беа соборени од ветрот, кој за време на невремето достигна брзина и до 160 километри на час, пренесува АП.

Без струја останаа околу 870.000 потрошувачи.

Невремето откорна дрвја и искрши прозорци на високи згради, а локалните власти ги повикаа жителите да останат внатре.

Голем дел од центарот на Хјустон и неговата комерцијална област беа покриени со урнати далноводи и стакло од скршените прозорци по невремето, а сообраќајот и уличните светла беа исклучени низ градот, рече градоначалникот Џон Витмајер во интервју за локална телевизија.

Зборувајќи од центарот за итни операции во градот, Витмајер рече дека невремето го погодило Хјустон, на брегот на Персискиот залив во југоисточната американска држава Тексас и најнаселениот урбан центар во државата, со ветрови од 129-161 километар на час.

„Останете дома, не одете на работа утре освен ако не сте клучен работник“, рече градоначалникот на Хјустон, Џон Витмир. Тој напомена и дека училиштата денеска ќе бидат затворени

Back to top button
Close