(ВИДЕО) Торнадо остави пустош, се бројат мртви во Мисисипи, Бајден прогласи вонредна состојба
По разорното торнадо што го погоди југот на САД, американскиот претседател Џозеф Бајден рано утринава прогласи вонредна состојба во државата Мисисипи.
Со оваа одлука, најтешко погодените окрузи Керол, Хемфрис, Монро и Шарки во сиромашната делта на Мисисипи беа ставени на располагање од федералниот буџет, пренесува АП.
Најмалку 25 лица загинаа, а десетици се повредени во опасното невреме кое пропратено со торнадо ја зафати државата.
New video of Mississippi tornado: Surveillance video footage from Amory High School shows the intensity of the deadly storm. #Mississippi #Tornado pic.twitter.com/72ro5MIRmO
— TV News Now (@TVNewsNow) March 26, 2023
Екипите за пребарување и спасување денеска продолжија да копаат низ урнатините во потрага по преживеани, а стотици граѓани се раселени.
Администраторот на Федералната агенција за управување со вонредни состојби, Дин Крисвел денеска треба да ги обиколи погодените области и да ја процени штетата.
Во меѓувреме, Националната метеоролошка служба (NMS) предупреди дека се уште постои ризик од посилни временски услови денеска со силни ветрови, град и можно торнадо во источна Луизијана, јужен и централен Мисисипи и јужна и централна Алабама.
Врз основа на првичните проценки, торнадото е класифицирано како ЕФ-4, што значи дека било придружено со ветрови од 265 до 320 километри на час, соопшти НМС.
