(ВИДЕО) Жесток напад врз Киев – меѓу загинатите и дете

Утринава Русија изврши уште еден во низата жестоки напади врз Киев, главниот град на Украина, а според последните информации, загинаа најмалку две лица, од кои едното беше дете, додека четворица се повредени.

Russia launched a ballistic missiles attack on Kyiv last night. Russian drone attacks on Kyiv are almost 24/7.

According to monitoring channels, energy infrastructure was under attack.

A child was killed in Kyiv region, four more people injured. Private homes, civilian infrastructure was damaged/destroyed.

Relentless Russian terror on Ukrainian civilians.

— Anton Gerashchenko (@Gerashchenko_en) September 30, 2026

Како што соопшти градоначалникот на Киев, Виталиј Кличко, Русите повторно извршиле напад со употреба на ракети и беспилотни летала.

„Во некои области избувнаа пожари на местата на ударите; има загинати и повредени лица“, беше објавено на каналот на Телеграм на Воената управа на градот Киев (MVA).

Како што пренесува „Укринформ“, украинските воздухопловни сили предупредија на закана од балистички ракети, а во Киев и во повеќе региони беше прогласена воздушна тревога.

Истовремено, Русија потврди рекорден воен буџет за 2027 година и со тоа сигнализираше дека се подготвува за долготрајна војна. Оваа вест доаѓа во момент кога Украина се обидува да ја зајакне својата противвоздушна одбрана со нови западни системи, но и се соочува со внатрешни проблеми поврзани со корупцијата, пишува „Киев Индипендент“.

Од август, Русија ги интензивира нападите врз главниот град и се обидува да ја исцрпи украинската противвоздушна одбрана со постојани напади со беспилотни летала.

Во посебен ноќен напад, едно лице беше рането, а оштетени беа железничко депо, центар за складирање податоци и образовна установа.

Во регионот Суми, на северот на земјата, три деца беа повредени при бомбашки напад врз училиште, додека во тој момент се наоѓале во засолниште