Во Бугарија 18 мигранти пронајдени мртви во камион

Осумнаесет мигранти денеска се пронајдени мртви во камион во Бугарија, соопшти бугарското Министерство за внатрешни работи.

„Според првичните информации, возилото нелегално превезувало околу четириесетина мигранти “, соопшти Министерството. Засега не е позната причината за смртта, но исклучена е можноста за сообраќајна несреќа. Според софиски медиуми еден човек е приведен, а се трага по уште две други лица.

Локалните жители ја известиле полицијата за напуштен камион кај селото Локорско, на дваесетина километри од главниот град Софија. Се трага по криумчарите кои избегале, соопшти Министерството, додавајќи дека 11 повредени од камионот се пренесени во болница.

Од минатата година, Бугарија бележи зголемен број на илегална имиграција на нејзина територија и покрај изградбата на жичена ограда долга 234 километри долж границата со Турција.

Back to top button
Close