Во Хрватска годинава 14,4 милиони туристи и 82,6 милиони ноќевања

Од почетокот на годинава, според податоците на eVisito, во Хрватска имало 14,4 милиони туристички доаѓања и 82,6 милиони ноќевања, што е зголемување за 42 отсто на доаѓања и 28 отсто на ноќевања во однос на минатата година.

Споредено со рекордната 2019 година, овие податоци претставуваат 90 отсто од резултатите во доаѓањата и 96 отсто од резултатите во туристичките ноќевања, објави денеска Хрватската телевизија.

Најмногу ноќевања досега се остварени во округот Истра и Сплитско-Далматинската жупанија, Кварнер, Задар и Дубровничко-неретванската жупанија.

Најмногу туристички ноќевања се реализирани во Ровињ, Дубровник, Пореч, Медулин, Умаг и Сплит, додека најмногу ноќевања досега оствариле гости од Германија, Хрватска, Словенија, Австрија и Полска.

Во Хрватска во моментов престојуваат 943.000 туристи, од кои околу 846.000 се странски.