Шаќири: Едни други „глодари“ го поделија народот пред бајаги години и уште го делат
Мицкоски:„……најинтересни се оние глодари кои го делат народот на проруски и проукраински и внесуваат поделба наместо да обединуваат…… И затоа никако не можам да се сложам ниту пак можам да подржам една таква теза дека македонскиот народ бил проруски. Не, македонскиот народ е промакедонски, а тоа што овие политичари немаат ништо македонско во нив, тоа е друг проблем и тоа е суштината…“
Грешка сте, едни други „глодари“ го поделија народот пред бајаги години и уште го делат. Тоа се истите оние глодари кои го поделија народот на „патриоти“ и „предавници“, „комуњари“, „индијанци“,„северџани“ и таканатаму, тие ќе не праќаат во вагони за Киев, а тие глодари беа платени или сеуште се платени, беа дел или сеуште се дел од партијата на чие чело сте. Тие глодари Господине Мицкоски се оние кои ја шират руската пропаганда наспроти сплотеноста на цела една Европа, наспроти целиот демократски свет. Кај тие глодари вие одите да давате интервјуа, од ставовите на тие глодари вие не се оградувате, зошто, дека вие ги створивте, односно вашата партија.
Велите македонскиот народ е промакедонски, знаете ли што значи во овој момент да се има промакедонски став?? Јас ќе ви кажам, тоа значи да се осуди руската агресија и да се биде на страната на Украина, на Европа, на НАТО, на страната на демократскиот свет, а тоа не значи да се биде против Русија и рускиот народ туку против еден воен злосторник кој ги има заробено, против еден диктатор кој му се заканува на светот со нуклеарна војна. Е тоа е промакедонски став, се друго и сите други кои велат обратно не работат за Македонија и Македонците, туку директно против нив, против нас. Обединување со овие нема, во исто трло со овие не се може, се работи за основни човечки и демократски вредности господине Мицкоски кои овие не ги поседуваат. Овие глодари ти ја прават најголемата штета, а и нас како држава и општество, еднаш засегогаш почни да се оградуваш…додека не е доцна.
ФБ статус на Ерол Шакири
