Техеран: Бројот на жртвите во поплавите се зголеми на 18
Бројот на жртвите во поплавите предизвикани од обилните врнежи што ги зафатија областите во близина на иранскиот главен град Техеран се зголеми на 18.
Шефот на Националниот кризен штаб, Хасан Нами, во изјава за државната телевизија рече дека едно лице загинало во селото Вескаре, источно од Техеран, а 14 возила останале под вода.
Потешка е состојбата во селото Мерздаран каде се поплавени неколку куќи, а имало и свлечиште.
Нами рече дека досега загинале шест лица, а спасувачките операции се во тек.
Уште две тела се пронајдени во селото Имамзаде Давуд, северозападно од Техеран, објави иранската студентска новинска агенција (ИСНА). Бројот на жртвите во Имамзаде Давуд е зголемен на осум, а се трага по уште 19 исчезнати лица.
Досега се евакуирани 700 жители а во тек се и активности за чистење.