На изборите во БиХ ќе учествуваат 130 партии

Централната изборна комисија на Босна и Херцеговина, на денешната итна седница, ги завери апликациите на 87 политички партии за учество на локалните избори закажани за 15 ноември годинава, со што се зголеми вкупниот број овластени партии на 130.

Откако ги отстрани недостатоците, ЦИК на БиХ ги потврди овластувањата за учество на локалните избори во 2020 година за 81 независен кандидат, како и за четири независни кандидати кои припаѓаат на националните малцинства.

Централната изборна комисија на БиХ ќе го објави прегледот на сите овластени политички субјекти по изборни единици по правосилноста на одлуката.