Гори Гоцевата шума кај Неготино: Се гаси со авион на ДЗС, на готовс се и хеликоптери на МВР

Силен шумски пожар беснее во близина на Неготино кај т.н. Гоцева шума, а бидејќи пожарникарите не може да го стават под контрола од копно, во гаснењето е приклучен и авион на Дирекцијата за заштита и спасување (ДЗС).

„Авион на ДЗС полета кон боровата т.н. Гоцева шума во непосредна близина на Неготино, каде во моментов има силен пожар врз кој територијалните противпожарни единици од Неготино и Кавадарци тешко воспоставуваат контрола поради засилениот ветер“соопштија од ЦУК.

Директорот на ЦУК, Стојанче Ангелов нагласи дека доколку состојбата со пожарот се влошува, подготвени за полетување се два хеликоптери на МВР.

Претходно на терен излезе и градоначалникот на Неготино, Горан Стојанов.

Со пожарот опфатена е 14 хектари борова шума но засега нема проблеми за  проширување во населени места и не е загрозен сообраќајот по автопатот кон Грција покрај кој се протега Гоцевата шума.