Спектакуларно апсење во Грчец, „Тигрите“ приведоа опасен нарко дилер

Денеска околу пладне полициските „Тигри“ изведоа спектакуларно апсење во скопски Грчец, дознава Канал 5 од присутни на настанот.

Уапсен е познат нарко дилер, кој беше опфатен со истрагата на ОЈО за ГОКК „Планина“, на возраст од 45 години. Откако видел дека е опколен, се обидел да бега со четирцикл, но „Тигрите“ набргу го совладале и привеле. Се очекуваат детали од полицијата за овој случај.

МВР информира дека денеска околу 11.40 часот полициски службеници од Оперативен Тим и ОКР Ѓорче Петров при СВР Скопје во содејство со САЕ „Тигар“, по претходно добиена оперативна информација, во близина на училиштето во с. Грчец, Скопско, го лишија од слобода Иљаз Муареми (45) од с. Грчец, баран со меѓународна потерница по наредба на ОЈО за ГОКК, а во врска со член 215 од КЗ на РСМ со определена мерка притвор во траење од 30 дена.

Муареми, кој бил со четирицикл, се обидел да избега и притоа удрил во службено возило на МВР, но набргу бил совладан од полициски службеници и лишен од слобода.

Притоа, кај него е пронајден и одземен пиштол „валтер“ и рамка со 15 куршуми.

И.М. ќе биде предаден на надлежното Обвинителство