Температури под минус 50 степени измерени во Сибир

Температури под минус 50 Целзиусови степени се измерени денеска во три региони на Јакутија во источен Сибир, соопшти хидрометеоролошката служба.

Во Верхојанск се измерени минус 53, а во Ојмјакон минус 52 Целзиусови степени, пренесува РИА Новости.

Јакутија е територијално најголемиот конститутивен ентитет на Руската Федерација со статус на република и ја зафаќа целата област на Источен Сибир.

Главниот град на Јакутск е најстудениот од сите поголеми градови во светот во зима, а Ојмјакон е познат како најстуденото населено место на Земјата.