Путин победи во Македонија, но не во Србија – еве како гласаа русите во регионот

Дури 88,1 отсто од Русите во Македонија гласале за Владимир Путин на претседателските избори, а тој процент изнесува само 10,84 отсто во Србија и 8,41 отсто во Црна Гора. Резултатите од руската изборна комисија ги пренесе „Радио Слободна Европа“.

Всушност, Русите во Србија и во Црна Гора во најголем број својата доверба му ја дале на Владислав Даванков, ривалот на Путин од партијата „Нови луѓе“. Тој исто така е заменик претседател на државната Дума – руското собрание.

Процентот на Руси кои гласале за Путин е голем и во Босна и Херцеговина, но за речиси 10 отсто помал од оној во Македонија. Изнесува 77,2 отсто.