Захарова: Дали Западот ќе воведе санкции против Сеул?

Портпаролката на руското Министерство за надворешни работи, Марија Захарова, коментирајќи дека влезот во зградата на јужнокорејскиот парламент бил блокиран откако земјата прогласи воена состојба, праша дали Западот ќе воведе санкции против Јужна Кореја.

– Што одлучија Литванија, Летонија и Естонија за ова прашање? Ќе се воведат ли санкции против Сеул? Или Јужна Кореја ќе има повеќе среќа од Грузија?, напиша Захарова на Телеграм.

Јужнокорејскиот претседател Џун Сук-Јеол претходно денеска воведе воена состојба „за искоренување на просевернокорејските сили и заштита на слободата и уставниот поредок“, а активностите на парламентот, политичките партии и здруженија во Јужна Кореја беа суспендирани до нејзино укинување. Парламентот потоа гласаше против декретот.

Политичка партија на јужнокорејскиот претседател Јун Сук Јеол исто така го повика да се откаже од напорите за воведување воена состојба во Јужна Кореја, додека политичките блокови во земјата се обединуваат против потегот.

Постигнат е консензус против напорите за време на состанокот на Партијата на народната моќ, јави новинската агенција Јонхап, откако пратениците во Националното собрание гласаа за блокирање на потегот.

Партијата го повика Јун „да ја прифати резолуцијата на Националното собрание против воената состојба и навремено да ја укине“.

Нејасно е дали јужнокорејскиот претседател ќе попушти под притисокот од неговата партија и ќе го прифати резултатот од гласањето во Парламентот, што би требало да го стори согласно јужнокорејскиот закон