Пронајдени траги од Велибор Манев на лепливата лента на устата на Вања – пронајден и куршум во телото

Во Кривичниот суд започна изведувањето на материјалните докази за случајот со убиствата на 14-годишната Вања Ѓорчевска и 74-годишниот Панче Жежовски. Обвинителката Жаклина Крстевска-Јосифовска информираше дека за време на обдукцијата на телото на Вања Ѓорчевска бил пронајден проектил, пренесе 4 news

Во текот на денешното рочиште, првообвинетиот Љупчо Палевски, познат како Палчо, изнесе забелешка дека, освен проектилот, по време на обдукцијата била пронајдена и леплива трака. Судот ја одговори на ова, потенцирајќи дека лепливата трака е посебен доказ кој ќе биде изведен подоцна. Судечкиот совет неколку пати ги опомена присутните, вклучувајќи го Палевски и неговите бранители, да го почитуваат редот во судницата.

Обвинителката дополнително објасни дека проектилот пронајден во телото на Вања бил од боева муниција со 9 милиметри, произведен во 2002 година. Таа исто така ги презентираше резултатите од анализата на лепливата трака, по што биле откриени биолошки траги кои одговараат на Вања и на друго лице, за кое се претпоставува дека е Велибор Манев.

Љупчо Палевски, пак, ја оспори валидноста на доказите, укажувајќи дека на лепливата трака не биле пронајдени палиларни линии кои можат да го поврзат со местото на настанот.

Како што беше соопштено, смртта на Панче и Вања била насилна, предизвикана од огнестрелни рани.

14-годишната Вања Ѓорчевска била жива кога било пукано во неа, а обдукцијата не покажала знаци на претходно задушување.

Пукано било од половина метар, од задната страна, понадесно. Според Обвинителството, таа се движела по кал пред да биде убиена, а ликвидацијата се случила додека клечела. Под нејзините нокти била пронајдена кал, а врвовите на патиките покажале стисок во истата кал.

Обдукцијата утврдила дека и Вања и Панче Жежовски претрпеле тешко физичко страдање пред да бидат убиени.

Овие детали се дел од материјалните докази кои Обвинителството ги презентираше на денешното судско рочиште.

Во текот на судењето ќе бидат презентирани вкупно 197 докази, а досега биле сослушани 26 сведоци. Одбраната и обвинението ќе продолжат со изведување на доказите, кои вклучуваат и повеќе од 10.000 принт скринови од комуникација преку мобилни телефони