Најмалку 14 преживеани во авионската несреќа во Казахстан

Има преживеани во авионската несреќа која се случи утрово, кога патнички авион кој летал од главниот град на Азербејџан, Баку, кон Русија, се урна во близина на градот Актау, западен Казахстан. Во авионот имало 67 патници.

Има спротивставени извештаи за бројот на преживеани, но здравствените власти на Казахстан информираа дека 14 лица биле примени во болница.

„Во моментот, 14 преживеани се пренесени во регионалната болница, од кои пет се во одделот за интензивна нега,“ соопшти регионалното одделение на Министерството за здравство.

Казахстанското Министерство за вонредни ситуации соопшти дека спасувачките екипи се на местото на несреќата и дека противпожарните служби го изгаснале пожарот.

Азербејџан ерлајнс информираше дека авионот Ембраер 190, со број на летот Ј2-8243, летал од Баку до Грозни, главниот град на Чеченија, но бил принуден да изврши принудно слетување на приближно три километри од Актау.

Причината за несреќата сè уште не е позната.

Наводно, авионот бил пренасочен поради магла во Грозни.

Патниците се државјани на Азербејџан, Казахстан, Киргистан и Русија, пренесуваат локалните медиуми