Колку чини настапот на Евровизија: Колку ги чинеше Швајцарците целиот спектакл?
Финалето на Евровизија се одржа на 17 мај во Базел, а спектаклот што го следеше цела Европа, па дури и светот, не беше евтин.
Домаќинот на овогодинешниот натпревар, градот Базел, издвои околу 40 милиони евра за организација на настанот. Оваа сума ги покрива трошоците за инфраструктура, безбедност, транспорт, сместување и придружни настани.
Сепак, се очекува Евровизија 2025 да генерира економски поттик за Базел со проценети приходи од околу 63 милиони евра, вклучувајќи ги туризмот, угостителството и другите сектори.
Иако нема точни податоци за трошоците за учество, т.е. секоја земја има различни трошоци во зависност од сложеноста на изведбата, продукцијата и други фактори, се проценува дека, на пример, Грција потрошила околу 400.000 евра оваа година за такси за регистрација, продукција и делегација, трошоци за патување и сместување и коментаторска кабина.
Таксите за регистрација варираат во зависност од земјата, каде што „Големата петорка“ (Франција, Германија, Италија, Шпанија и Велика Британија) плаќаат повеќе, помеѓу 300.000 и 500.000 евра, додека помалите земји, како што е Латвија, издвојуваат околу 150.000 евра.
Оваа година, Евровизија има многу повеќе спонзори кои придонесуваат за финансирање на настанот.
Главен спонзор е Moroccanoil, а потоа следуваат Novartis, Booking, Royal Caribbean, Baileys и Basler Kantonalbank.
Точниот износ на спонзорските придонеси не е познат, но нивното присуство придонесува за публицитетот на Евровизија (како и за нив самите), буџетот и видливоста на настанот.
Само еден пример – Србија, како членка на Европската радиодифузна унија (EBU), плаќа котизација за учество на Евровизија помеѓу 100.000 и 150.000 евра, во зависност од бруто-домашниот производ и големината на земјата. Другите трошоци не се официјално објавени, но врз основа на претходните искуства, можат да се извлечат приближни податоци. Трошоците за продукција, кои вклучуваат сценографија, костими, кореографија, технички и други елементи, беа помеѓу 50.000 и 150.000 евра, земајќи ја предвид сложеноста на изведбата.
Промотивните активности – патување, учество во настани би можеле да додадат максимум 50.000 евра, а сместувањето, оброците и превозот (како и престојот во земјата) би можеле да чинат максимум од 20.000 до 40.000 евра.
Тоа упатува до бројка помеѓу 200.000 и 300.000 евра, што би ги вклучило котизацијата, продукцијата, промотивните активности и логистиката.
