Белградските студенти повторно на улица: Една година протести, ниту едно исполнето барање

Студентите кои веќе една година се организираат во рамки на блокадата на факултетите во Белград денес, 29 ноември, го одбележуваат годишниот јубилеј од официјалното поднесување на своите барања до државните институции.

Според најавите, собирот ќе започне во 11:52 часот пред зградата на Ректоратот на Универзитетот во Белград. Присутните ќе оддадат 16-минутна почит на жртвите од несреќата со уривањето на настрешницата на Железничката станица во Нови Сад. Потоа ќе продолжи седницата на студентскиот пленум.

„Помина една година откако ги поднесовме нашите барања. Се гледаме“, порачаа студентите преку социјалните мрежи.

Барањата, поднесени пред точно една година, вклучуваат:

• целосно објавување на документацијата за реконструкцијата на новосадската железничка станица,
• официјално утврдување на идентитетите од страна на надлежните органи,
• кривично гонење и разрешување на сите лица осомничени за напади врз студенти и професори во првите денови од блокадите.

Тие, исто така, побараа запирање на кривичните постапки против уапсените студенти за време на протестите, како и зголемување на буџетските средства за државните универзитети за најмалку 20 проценти.

Подоцна студентите го проширија списокот на барања и со иницијатива за распишување избори.

Извор: racin.mk