Кавадарчанец пријавен во полиција дека се заканувал на снаата за брат
Кавадарчанец бил пријавен во полиција дека се заканувал на снаата за брат, информираа денеска од Секторот за внатрешни работи Велес.
– Вчера во 15:30 часот, полициски службеници од ОВР Кавадарци извршиле службен разговор со 42-годишен кавадарчанец, постапувајќи по претходна пријава дека пред домот и се заканувал на неговата 42-годишна снаа за брат. Известен бил јавен обвинител и по документирање на настанот против него ќе биде поднесен соодветен поднесок, појаснија од СВР Велес.
Како што споделија оттаму, синоќа во 18:40 часот, полициски службеници за криминалистички работи при ОВР Кавадарци, ги лишиле од слобода К.М.(33) и Љ.М.(35), двајцата од овој град, затоа што при преглед на патничко возило „сеат“ со кавадаречки регистарски ознаки, управувано од К.М. била пронајдена и одземена бела прашкаста материја, а кај Љ.М. била пронајдена и одземена марихуана. Тие биле приведени во полициска станица, известен бил јавен обвинител и по документирање на настанот ќе била поднесена соодветна пријава.
