Лицето што претходно пукаше во вработена во ЦСР избега од Демир Хисар, полицијата го најде во Крушево
Лицето коешто претходно пукаше во вработена во Центарот за социјални работи Прилеп денеска избегало од психијатриската болница во Демир Хисар.
Настанот го потврдија од МВР.
– Денеска (29.11 2025) во 17:00 часот, полициски службеници од ОВР Прилеп на место викано „Мечкин Камен” во Крушево го приведоа А.Ј.(51) од Прилеп. Имено, претходно денеска во 13:35 часот во ОВР Прилеп било пријавено дека од Психијатриската болница Демир Хисар, А.Ј.(51) од Прилеп се оддалечил од болницата, соопштија од МВР.
Читатели на Инфомакс од Прилеп велат дека лицето се заканувало на повеќемина додека полицијата не го фатила.
