Андоновска: Стоковите резерви се празнеле и препродавале на црн пазар со одобрување од Заев, Филипче и Николовски

Во ек на глобална криза, во периодот од 2019-2021 година наместо да ги снабдува стоковите резерви, СДСМ ги празнеле и препродавале, обвинуваат од ВМРО-ДПМНЕ. Две илјади тони јачмен и пченица во државна вредност од 800.000 евра биле отпишани од залихите, по насока на, како што велат, триото Заев, Филипче и Николовски.

„За да не се примети кусокот од 2000 тони јачмен и пченица, тие веднаш потоа прават два тендери со една соседна држава за 20.000 тони пченица и јачмен за да ги пополнат дупките во залихите. Со овие два тендера, Заев, Филипче и Николовски сметале дека ќе се покријат недостатоците во стоковите резерви, а јавноста истото ќе го заборави,“

кажа Викторија Андоновска од ВМРО-ДПМНЕ.

Викторија Андоновска, ВМРО-ДПМНЕ

Според Андоновска, 800.000 евра пари на граѓаните завршиле во џебовите на Заев, Филипче и Николовски, а две илјади тони јачмен и пченица, како што рече – на црн пазар во друга држава.

„И наместо оградување и дистанцирање, СДС и натаму си ги штити своите криминалци. Затоа СДС ќе пропаѓа, гласачите ќе се намалуваат, а членовите ќе им заминуваат“, Андоновска.