ДУИ: Како семејниот клас на Изет Меџити го пустоши МЕПСО преку активисти на ВРЕДИ

ДУИ преку соопштение реагира дека нов случај во МЕПСО отвора сериозни сомнежи за можни неправилности при доделување јавни набавки и за, како што наведуваат, партиско влијание и фаворизирање во корист на блиски структури.

Според партијата, компанија формирана непосредно пред распишување на тендер добила договор за услуги поврзани со одржување на коридори под далноводи, иако, како што се наведува, нема претходно искуство ниту докажан капацитет за извршување на вакви работи.

ДУИ во соопштението посочува дека дополнителна загриженост предизвикуваат информации за поврзаност на лица поврзани со политички структури со компанијата и со процесот на доделување на договорот, при што се отвораат прашања за транспарентноста на постапката.

Во соопштението се наведува и дека МЕПСО во последниот период се соочува со повеќе контроверзии поврзани со јавни проекти и можни финансиски последици за државата.

ДУИ оценува дека ваквите случаи се особено загрижувачки во услови на економски предизвици и зголемени трошоци за живот, кога, како што велат, секое трошење на јавни средства мора да биде целосно оправдано и транспарентно.

Партијата апелира надлежните институции, меѓу кои антикорупциската комисија, државната ревизија и обвинителството, да ги проверат сите околности поврзани со тендерската постапка и да утврдат дали постојат неправилности.

ДУИ нагласува дека јавните институции мора да функционираат во интерес на граѓаните и без, како што наведуваат, политичко или лично влијание.

Извор: skopje1.mk