Наредната недела ќе имам средба со Фетаи и ке биде појасно, вели Мицковски и потврдува дека „исчезнатиот“ уште бил министер

Премиерот Христијан Мицкоски не даде конкретен одговор на прашањето дали вицепремиерот за добро владеење Арбен Фетаи редовно доаѓа на работа и дали прима плата, иако подолг период не се појавува ниту во Владата, ниту во Собранието.

На новинарско прашање за отсуството на Фетаи, Мицкоски посочи дека следната недела ќе има состанок со него.

„Следната недела имаме заеднички состанок со господинот Арбен Фетаи, по што многу работи ќе бидат појасни“, изјави премиерот.

Тој нагласи дека Фетаи и понатаму официјално ја извршува функцијата вицепремиер задолжен за добро владеење.

Интересот во јавноста околу отсуството на Фетаи трае веќе втор месец, а тој не се појави ниту на седницата за пратенички прашања во Собранието. Од СДСМ побараа одговори колку долго не доаѓа на работа, дали за тој период зема плата, како и од каде се средствата за неговото патување во Тајланд.