Протест на француските полицајци поради лошите услови за работа

Илјадници француски полицајци денеска протестираа во Париз поради лошите услови за работа.

Организаторот на протестот беше синдикатот Национална алијанса на полициски службеници. Полицајците се незадоволни бидејќи од 2019 година не е зголемен додатокот за специјална полициска служба или така наречениот „бонус на ризик“, а исто така бараат и повеќе средства за административниот, техничкиот и научниот персонал. Полицајците бараат и напредување во кариерата и и регрутирање на нов персонал.

Според процените на синдикатот, за исполнување на барањата потребни се од 300 до 500 милиони евра годишно.

По протестот, претставниците на синдикатот се сретнаа со претставници на Министерството за внатрешни работи.

Претставници на Националната алијанса на полициски службеници средбата ја оценија како конструктивна.