Русија и Кина бараат Јапонија да ги отстрани американските ракетни системи „Тајфун“

Русија побара од Јапонија да ги отстрани американските копнени ракетни системи „Тајфун“, дизајнирани да лансираат ракети со среден и краток дострел, од нејзина територија, изјави денеска портпаролката на руското Министерство за надворешни работи, Марија Захарова.

Таа наведе дека на 3 септември Русија испратила протестна нота поради распоредувањето на американските системи „Тајфун“ на островот Кјушу.

Во документот посебно се нагласува дека официјално Токио повторно го презело таков чекор и покрај повеќекратните демарши од руската страна, во кои ја објаснивме нашите загрижености поради заканите по националната безбедност, регионалниот мир и стабилност што од овој вид оружје на јапонскиот архипелаг, посочи Захарова.

Руското Министерство за надворешни работи соопшти дека и Кина испратила протестна нота до Јапонија поради распоредувањето на американските системи „Тајфун“ на островот Кјушу.

Слична нота неодамна беше испратена до јапонското Министерство за надворешни работи од нашите кинески партнери, кои исто така изразуваат загриженост за курсот на Токио кон ремилитаризација, вклучително и во контекст на појавувањето на системите „Тајфун“ на јапонските острови, се истакнува во соопштението на руското МНР.