Вучиќ: На 27 септември поднесувам оставка од функцијата, ѝ служев чесно на мојата земја

Српскиот претседател Александар Вучиќ објави дека по враќањето од Генералното собрание на Обединетите нации во Њујорк, на 27 септември ќе поднесе оставка од претседателската функција. Од тој момент, Вучиќ ќе дејствува во својство на носител на изборната листа на СНС „Обединета Србија“ за изборите на 25 октомври.

До изборот на нов, функцијата в.д. претседател ќе ја извршува претседателката на парламентот Ана Брнабиќ.

Во интервју за Радио Белград српскиот претседател рече дека е горд на начинот на кој ги извршувал своите претседателски должности и се осврна на обвинувањата упатени против него.

„Навистина бев најгордиот претседател и ѝ служев на мојата земја верно, лојално и чесно. Обвинувањата упатени на моја сметка за време на претседателскиот мандат понекогаш беа глупави, понекогаш ме болеше, а понекогаш нивните обвинувања ми беа смешни“, изјави тој во интервјуто.

Уште на почетокот на септември, Вучиќ изјави дека сака да се кандидира за премиер и дека, доколку добие поддршка по изборите, ќе ја формира најмалата влада во историјата на Србија која ќе брои 12 министри.

Извор: 360stepeni.mk