Во Бразил се одржуваат општи избори, главни ривали за претседател се Лула и Болсонаро

Во Бразил денеска се одржуваат општи избори, вклучувајќи и претседателски избори, на кои главни фаворити се актуелниот претседател Луиз Инасио Лула да Силва и сенаторот Флавио Болсонаро, син на поранешниот претседател Жаир Болсонаро, кого Лула го победи пред четири години.

На претседателските избори има 13 кандидати, а доколку ниту еден кандидат не освои повеќе од 50 проценти од гласовите, првите двајца ќе продолжат во вториот круг, закажан за 25 октомври. Право на глас имаат околу 158 милиони Бразилци. Лула, кој на 80 години е еден од најстарите шефови на држави во светот, учествува на своите седми претседателски избори и се обидува да освои четврти мандат.

Двајцата кандидати претставуваат различни политички пристапи кон голем број прашања, вклучувајќи ја борбата против организираниот криминал, заштитата на Амазон и односите со администрацијата на американскиот претседател Доналд Трамп.

Гласањето е задолжително во Бразил, а гласачите, покрај претседател, ќе избираат претставници на федерално и покраинско ниво, гувернери и некои сенатори. Гласањето се спроведува преку електронски машини за гласање, поради што резултатите обично се објавуваат неколку часа по затворањето на гласачките места. рп/