Вкупно 23 навивачи на Хајдук обвинети за јавно поттикнување насилство и омраза

Вкупно 23 навивачи на фудбалскиот тим Хајдук се обвинети за јавно поттикнување насилство и омраза поради судирите пред фудбалскиот натпревар Хајдук – Ајакс што на 15 октомври се одигра во Сплит, Хрватска.

Шест навивачи веќе се во притвор, а хрватската полицијата трага по уште 15. Четири лица беа приведени пред два дена и се обвинети за поттикнување насилство и омраза.

Еден ден по натпреварот хрватскиот претседател Зоран Милановиќ, премиерот Андреј Пленковиќ и народниот правобранител Тена Симоновиќ Ајнвалтер ги осудија антисемитските скандирања и величањето на нацизмот од страна на навивачите на Хајдук пред натпреварот против холандскиот тим Ајакс во Конференциската лига, што заврши со 2-1 за Хрватите.