Водата во Струга е забранета за пиење, измерена зголемена заматеност на повеќе места

ЈП „Водовод и канализација“ – Струга со ново известување потврди дека водата од водоводната мрежа на целата територија на општината не е безбедна за пиење поради зголемена заматеност.

Според објавените мерења, на повеќе мерни места се регистрирани вредности над дозволената граница од 1,5 НТУ. Највисока заматеност е измерена во селото Враништа – 1,89 НТУ, додека во Општата болница се измерени 1,8 НТУ, кај „Макпетрол“ 1,64, а во градинката „Сонце“ 1,62 НТУ.

Од претпријатието ги повикаа граѓаните да не ја користат водата за пиење до следното известување. Таа може да се употребува исклучиво за технички потреби.

Back to top button
Close