Авион од Лондон кружи над Скопје и не може да слета поради густа магла

Авио сообраќајот и утрово се соочува со проблеми поради густа магла на скопскиот аеродром. Во моментов авион од Лондон на компанијата Виз Аир кружи над Скопје и не може да слета поради намалена видливост.

По неколку обиди тој најверојатно ќе биде пренасочен кон соседството.

Од утрово, авионот не пристигна за Цирих и доцни повеќе од 4 часа. Речиси три часа доцни и авион за Истанбул, а 50 минути за Измир.

Доцнење има и кај полетувањата бидејќи авионите не може да пристигнат во Скопје.