Блинкен им честита на Вучиќ и Курти за нивното лидерство во постигнувањето согласност за имплементација на европскиот предлог

„Соединетите Држави ќе продолжат да бидат активно ангажирани, во координација со партнерите од ЕУ, да ги поддржуваат Косово и Србија во остварувањето на предвидливи и мирни односи. Ќе продолжиме да го поддржуваме унапредувањето на стабилноста и просперитетот на Западен Балкан“, вели Блинкен во соопштението објавено на официјалната интернет-страница на американскиот Стејт департмент

Американскиот државен секретар, Ентони Блинкен преку соопштение го поздрави напредокот што Косово и Србија го постигнаа со посредство на Вропската Унија за имплементација на Договорот од 27 февруари за нормализација на односите меѓу Белград и Приштина.

Во соопштението, објавено на официјалната интернет-страница на Стејт департментот Блинкен им честита на српскиот претседател, Александар Вучиќ и премиерот на Косово, Албин Курти за нивното лидерство во постигнувањето на согласност за имплементација на Договорот.

Исполнувањето на обврските од страна на Косово и на Србија од Основниот договор како дел од одржливата заложба за помирување ќе обезбеди значителни можности за луѓето луѓето од двете земји и ќе го забрза нивниот пат кон членство во Европската Унија.

„Соединетите Држави ќе продолжат да бидат активно ангажирани, во координација со партнерите од ЕУ, да ги поддржуваат Косово и Србија во остварувањето на предвидливи и мирни односи. Ќе продолжиме да го поддржуваме унапредувањето на стабилноста и просперитетот на Западен Балкан“вели Блинкен.

На крајот од соопштението тој изразува благодарност на Европската Унија за посредничката улога и на Владата на Северна Македонија што беше домаќин на средбата и за поддршката за финализирање на овој договор.

Српскиот претседател и премиерот на Косово во саботата во Охрид се договорија за анексот за имплементација на европскиот предлог за нормализација на осносите. Во преговорите, кои траеја повеќе од десет часа како набљудувач присуствуваше специјалниот пратеник на САД за Западен Балкан Габриел Ескобар.

Европската унија соопшти дека двете страни на средбата во Охрид формално не го потпишале договорот, туку се договориле да го спроведат. На 27 февруари Косово и Србија постигнаа согласност за европскиот предлог за нормализација на односите.

Во овој предлог, кој се состои од 11 члена, конкретно не се споменува меѓусебно признавање. Сепак, документот бара од двете земји да ги прифаќаат документите и симболите меѓусебно, вклучувајќи пасоши, дипломи и регистарски таблички.

Што содржи анексот на договорот за патот кон нормализација на односите на Белград и Приштина

Во европскиот предлог од двете страни се да ги спроведат сите досега постигнати договори во дијалогот за нормализација на односите, вклучително и оној за формирање Заедница на општини со српско мнозинство на Косово, што досега наидуваше на несогласување од страна на владата во Приштина со образложение дека може да ја загрози функционалноста на државата.

Косовскиот премиер Абин Курти по рундата на дијалогот во Охрид одговарајќи на новинарско прашање дали ќе дозволи формирање Заедница на општини со српско мнозинство, тој рече дека станува збор за „адекватно ниво на самоуправување на српската заедница“, а „не за самоуправа“.

Претседателот на Србија, Александар Вучиќ изјави дека формирањето на Заедницата е „приоритетна обврска“.

Високиот претставник на Европската Унија за надворешни работи и безбедност, Жозеп Борел, по повеќечасовните преговори во Охрид во обраќање до јавноста рече дека

Борел истакна дека Договорот за патот за нормализирање на односите меѓу Косово и Србија е постигнат на 27 февруари, а во Охрид се разговарало и договарало како тој да се спроведе.

„Имаме договор и согласност како да го направиме тоа. Косово и Србија се договорија за Анексот за имплементација на Договорот за патот за нормализирање на односите меѓу Косово и Србија. Договоривме кога, кој и како тоа да се реализира. Во рамките на анексот, страните се согласија да ги исполнат сите членови од договорот и да ги спроведат сите обврски без одлагање и со добра волја“,рече Борел.Дијалогот меѓу Косово и Србија, со посредство на ЕУ и поддршка на САД, започна во 2011 година. Овој процес има за цел да ги доведе страните кон целосна нормализација на односите.

Back to top button
Close