Блинкен: САД и партнерите презедоа мерки против оние кои ја загрозуваат стабилноста, напредокот и европската интеграција на регионот
Поранешниот премиер Никола Груевски и ексшефот на Управата за безбедност и контраразузнавање (УБК), Сашо Мијалков, се најдоа на црната листа на САД. Покрај нив, на црната листа се најдоа и Гордана Тадиќ, која беше главна обвинителка на Босна и Херцеговина и Слободан Маровиќ, поранешен претседател на заедничката држава на Србија и Црна Гора
Американскиот државен секретар Ентони Блинкен изјави дека Стејт департментот и американското Министерство за финансии презеле одредени санкции за некои актери поради коруптивни и дестабилизирачки активности.
„САД и партнерите како Обединетото Кралство бараат одговорност од оние кои ја загрозуваат стабилноста, напредокот и европската интеграција на регионот“,напиша Блинкен на Твитер.
Today the @StateDept and @USTreasury took action to designate actors in the Western Balkans for destabilizing and corrupt activities. The U.S. and partners like the UK are holding accountable those who threaten the region’s stability, progress, and European integration.
— Secretary Antony Blinken (@SecBlinken) April 11, 2022
Поранешниот премиер Никола Груевски и ексшефот на Управата за безбедност и контраразузнавање (УБК), Сашо Мијалков, се најдоа на црната листа на САД.
Покрај нив, на црната листа се најдоа и Гордана Тадиќ, која беше главна обвинителка на Босна и Херцеговина и Слободан Маровиќ, поранешен претседател на заедничката држава на Србија и Црна Гора.
Во меѓувреме, Велика Британија воведе санкции за членот на Претседателството на БиХ, Милорад Додик и претседателката на Република Српска, Жељка Цвијановиќ, поради нивните обиди да го нарушат легитимитетот и функционалноста на државата Босна и Херцеговина, се наведува на вебстраницата на Владата во Лондон.
