Даштевски: Излезноста е 5,25% – сите избирачки места се отворени
Првиот човек на Државната изборна комисија, Александар Даштевски на прес-конференција рече дека засега не се забележани неправилности во гласањето.
Излезноста до 9 часот е 5,25 отсто од гласачите.
-Во Ранковце процентот на излезност е 15,23, во Конче е 14,28, во Пехчево 13,73, Лозово 11,89, Зелениково 11,74, Кратово 11,02, Пробиштип 10,94, Демир Хисар 10,88, Вевчани 10,51, Ресен 9,18, и другите се под 9 отсто. Тече гласањето и се надевам дека на прес-конференцијата во 11:30 часот веќе ќе имаме поголем процент, рече Даштевски.
Вели отворени се сите избирачки места.
-На почетокот имаше неколку места во Скопје и неколку места надвор од Скопје кои не беа отворени. Значи, во неколку општини по неколку избирачки места и тие се отворени сега. Доколку дојде до некои други проблеми, ќе ве известам, рече Даштевски, додавајќи дека три или четири места не биле отворени повеќе од еден час