Драстично зголемена употребата на антидепресиви по објавената мобилизација во Русија

epa10224839 Russian conscripted men say goodbye to relatives at a recruiting office during Russia’s partial military mobilization in Moscow, Russia, 05 October 2022. Russian President Putin announced in a televised address to the nation on 21 September, that he signed a decree on partial mobilization in the Russian Federation due to the conflict in Ukraine. Russian Defense Minister Shoigu said that 300,000 people would be called up for service as part of the move. EPA-EFE/MAXIM SHIPENKOV

Продажбата на антидепресиви во руските аптеки се зголеми откако претседателот Владимир Путин на 21 септември објави делумна мобилизација на 300.000 резервисти, јави ТАСС.

Во текот на неделата од 19 до 25 септември, продажбата се зголеми за 120 отсто, покажуваат податоците на руската фармацевтска компанија за маркетинг DSM Group.

Претседателката на Алијансата на фармацевтските здруженија, Викторија Пресњакова, за ТАСС изјави дека од почетокот на воените дејствија на 24 февруари, побарувачката за антидепресиви, апчиња за спиење и средства за смирување е значително зголемена во споредба со претходните години.

Според неа, тоа се должи на „геополитичката и економската ситуација”.

Според Пресњакова, има многу пациенти на кои по првпат им биле препишани такви лекови. Меѓутоа, за да се смират, луѓето купуваат и лекови без рецепт. Во руските аптеки, многу лекови се продаваат слободно, а за кои е потребен рецепт во другите европски земји.

Back to top button
Close