ЕК спроведува 10 истраги против социјални мрежи поради сомневање за кршење на европското право

Европската комисија покрена 10 истраги против социјални мрежи поради сомневање дека ги прекршиле европските правила за нивните активности. Ова го соопшти потпретседателката на Европската комисија и еврокомесар за безбедност и демократија, Хена Виркунен, на сослушувањето во Европскиот парламент во Стразбур, посветено на обидите за надворешна интервенција во ЕУ.

Демократијата е загрозена од надворешно мешање, рече Виркунен, наведувајќи примери на Facebook, Instagram и TikTok. Слободните и фер избори се темелот на европската демократија, додаде таа.

Според неа, европското законодавство воведува јасни одговорности за онлајн платформите со потреба од наметнување мерки и промена на алгоритми за надминување на заканите. Ова не е цензура, туку оперативен механизам за отстранување на содржина која е неприфатлива според европското право, која ја штити слободата на изразување, објасни потпретседателот на ЕК.

Виркунен истакна дека комисијата покренала една истрага против „Екс“, три против „ТикТок“, една против „Али експрес“, две против „Мета“ и една против „Тему“. Таа додаде дека во последните денови ЕК побарала од Ex да започне со зачувување на податоците за промени во алгоритмот за препораки за содржина.