Филипче по средбата со Мицкоски: Добар и конструктивен разговор, договоривме формирање на тела и комисии!
Лидерот на СДСМ, Венко Филипче по средбата во Владата со премиерот Христијан Мицкоски истакна дека имале добар и конструктивен разговор.
Како што вели, начелно договориле формирање на заеднички тела и комисии.
„Начелно договоривме дека ќе работиме на начинот да формираме заеднички тела или работни групи во делот пред се на спроведување на реформската агенда. Значи првичните закони кои што треба да стигнат во Собранието во делот на правосудството, нешто што ги тангира сите, понатаму енергетиката и некои работи во однос на стратешките движења и проекти во здравството“, вели Филипче.
Филипче вели дека следна средба не договориле.
