(ФОТО) Опозицијата прогласи историска победа против Ердоган на локалните избори во Турција

Актуелниот градоначалник на Истанбул, Екрем Имамоглу, кој првиот градоначалнчки мандат го освои во 2019 година, постигна втора победа со неговата секуларна опозициска партија ЦХП (Републиканска народна партија).

Резултатите од локалните избори, како што објави Би-би-си, претставуваат значаен удар за владејачката Партија на правдата и развојот (АКП), на турскиот претседател, Реџеп Таип Ердоган, кој се надеваше дека ја врати контролата врз овој град за помалку од една година откако го обезбеди третиот мандат за шеф на државата.

Тој лично ја водеше кампањата за изборите во Истанбул, каде што порасна и го почна својот политички пробив токму како градоначалник на овој град.

Ердоган вети нова ера Истанбул, градот со речиси 16 милиони жители, но актуелниот градоначалник е на пат да освои повеќе од 50 отсто од гласовите или над 10 поени пред кандидатот на АКП.

Ова е, исто така, прв пат, откако дојде на власт пред 21 година, партијата на Ердоган да биде поразена на гласачките места низ целата земја.

Во главниот град на Турција, Анкара, кандидатот на опозициската Републиканска народна партија, Мансур Јавас, исто така, е далеку пред својот противкандидат со освоени 59 отсто од гласовите, според првичните резултати. Тој погласи победа уште додека беа препбројани помалку од полиовина од гласовите.

Неговите поддржувачи ги блокираа сите главни патишта во градот, вејќи знамиња и свирејќи со сирените на автомобилите, пренесува Би-би-си.

Главната опозициска партија, како што наведува сервисот, е на пат да победи и во други големи градови во земјата, вклучувајќи ги Измир, Бурса, Адана и Анталија.

Седумдесетгодишниот претседател на Турција, призна дека изборите не поминале како што се надевал, но во обраќање до неговите поддржувачи рече дека тоа не значи „крај за нас, туку пресвртница“.

За време на изборната кампања, Ердоган најави повлекување од политиката и дека локалните избори одржани вчера ќе бидат последните на кои учестува. Неговиот претседателски мандат истекува во 2028 година.

Но, големиот пораз на локалните избори кој се наѕира, критичарите сметаат дека ќе мотив за него за иницира нови измени на турскиот устав за да може повторно да кандидира за функцијата.

Спротивно на разочарувањето во таборот на Ердоган, исходот од вчерашните избори во Турција е голем успех за претседателот на ЦХП, Озгур Озел, кој ги пофали гласачите што решиле да го променат ликот на Турција.

„Тие сакаат да ја отворат вратата за нова политичка клима во нашата земја“рекол тој. 

Голем број поддржувачи на опозицијата синоќа се собраа пред градското собрание во Истанбул, со знамиња и транспаранти со сликата на Екрем Имамоглу покрај основачот на модерна Турција Кемал Ататурк.

„Можам да кажам дека довербата и вербата на нашите граѓани во нас се наградени“рече Имамоглу. 

Неговите поддржувачи собрани пред градското собрание во Истанбул извикуваа: „Сè ќе биде добро“, слоганот кој Имамоглу го користеше кога го освои првиот градоначалнички мандат пред пет години.

На некои од транспарентите беше испишан слоганот што тој го користеше во сегашната кампања: „Со полна брзина напред“.

„Ова се само локални избори, но победата на опозицијата во големите градови е значајна демонстрација на сила против владејачката партија“изјавил за Би-би-си, поддржувач на Имамоглу. 

Истанбул е град во кој живее една петтина од населението на Турција кое брои речиси 85 милиони жители.

Контролата на градот, значи и контрола на значителен дел од турската економија, вкулувајќи ја трговијата, туризмот и финансискиот сектор.

И додека во западниот, јужниот и северниот дел на Турција мнозинството го освои опозициската ЦХП, прокурдската партија Дем ја најверојатно ќе раководи со градовите во југоисточниот дел на земјата.

Од друга страна партијата на Ердоган продолжува да доминира во централна Турција и има поголем успех во областите на југоисточните делови на земјата кои беа погодени од силниот земјотрес во февруари лани.

Говорејќи од балконот на неговото партиско седиште во Анкара, тој вети дека ќе ги искористи четирите години пред следните претседателски избори за ја обнови партијата и да надомести за грешките.

„Овој народ е со вас“беше пораката со која возвратија неговите поддржувачи. 

На вчерашните локални избори во Турција право на глас имаа околу 61 милион граѓани на земјата, а повеќе од еден милион млади гласачи за прв пат го дадоа својот глас.

Излезноста, како што пренесува Би-би-си, според проценките била повеќе од 77 отсто во 81 провинција во земјата.