(ФОТО+ВИДЕО) Ангелов: Пожарот на Шар Планина доби сериозни димензии, го гасат два хелихоптери, „ертракторите“ не ни се на располагање
Пожарот кој пред четири дена започнал на Шар Планина во атарот на село Селце се уште е активен, соопшти денеска директорот на Центарот за управување со кризи (ЦУК). Поради сериозните димензии кои пожарот ги добил во текот на денешниот ден, како што вели тој, ангажирале и втор полициски хелихоптер.
Во текот на вчерашниот ден покрај ренџерските тимови на Националниот парк „Шар Планина“, во гаснењето помогнале и тимови на Противпожарната единица на Тетово, но и еден полициски хелихотер.
„Во текот на денешниот ден на лице место гаснат два полициски хелихоптери, како и неколку тимови ренџери од Националниот парк „Шар Планина“, но и неколку тимови од против пожарната единица од Тетово“ вели тој.
Според неговата проценка, во овој момент нема опасност по куќите во селото Селце.
„Густата чад потекнува меѓу другото и од лисјата кои ги има во поголема количина на местото каде се одвива линијата на огнот. Линијата на огност е повеќе од доста од широка. Повеќе од еден километар“ рече Ангелов.
За жал, како што рече директорот на ЦУК, немаат на распологање ниту еден „ертрактор“ од Дирекцијата за заштита и спасување, додаде тој, поради проблемот со пилотите.
„Тие значително ќе го олеснеа гасењето на овој шумски планински пожар. Продолжуваме со гаснење со два хелихопрери. Се надевам дека попладнево ќе го ставиме под целосна контрола“ вели директорот Ангелов.