Гаши: Нема иницијатива за промена на државниот грб, кога би имало ќе ја разгледаме

За најавите за промена на државниот грб, претседателот на Собранието Африм Гаши вечерва изјави дека не гледа дека има некоја инцијатива и кога би дошла, би ја разгледале во таа насока, како што е по Деловник, по Закон и по Устав.

– Ако се бара да се менува Уставот, се знае процедурата, рече Гаши. Смета дека за симболите да разговараат лидерите.

Во однос на укинувањето на баласерот, Гаши посочи дека имале идеја да предложат или да донесат закон за таа работа зошто, како што рече, беше евидентно дека балансерот или тој механизам не ги даде своите резултати и беше злоупотребуван во последните години. – Правилна е одлуката на Уставниот суд што така одлучи, подвлече Гаши. Најави дека сакаат вакво решение да биде законски спроведно и најави дека со законот кој се подготвува и наскоро ќе биде пуштен во сбраниска процедура и во март, април ќе се донесе.

На новинарско прашање за интерпелацијата на петте члена на Судскиот совет, Гаши рече дека ако сакате подлабока реформа, Судскиот совет е навистина една од клучите алки во овој правосуден систем. – Јас не учествувам во креирање на таа политика или на таа длабока реформа. Само низ призма на претседател на Собрание го гледам ова како политичар и го кажувам. Мислам дека граѓаните знаат дека Судскиот совет има голема важност во овој процес и мислам дека понесени од ова, е почнат тој процес за сензибилација и во Судскиот совет за да почне таму една подлабока реформа, рече Гаши.

Прашан за разрешување на државниот јавен обвинител Љупчо Коцевски, Гаши рече е обврзан како претседател да работи по Деловник и по Закон за Собрание и по Устав.

– Ако дојде до нас таква иницијатива, која е предложена од Владата, најверојатно ние ќе треба подетално да видиме уште еднаш. Но, ние главно се носиме со процедурите кои ги имаме. Ако се изгласа тоа и потоа некој се повика на уставноста, тогаш Уставниот суд треба да цени дали Собранието постапило согласно закон и Устав. Ако Владата ни достави уреден предлог, кој ги исполнува нашите критериуми за работа во Собранието, согласно Деловникот, ние ќе го ставиме во процедура, рече Гаши.