Гвардиола: Порази? Тоа е само предизвик, а јас сакам предизвици

Тренерот на Манчестер Сити, Пеп Гвардиола изјави дека не ги смета за проблем четирите порази во низа на неговиот тим.

Во натпреварот од 11. коло на Премиер лигата, Сити вчеравечер загуби од Брајтон (1:2). Ова беше четврти пораз во низа за тимот и прв ваков случај во тренерската кариера на Шпанецот.

-Во животот секогаш нешто се случува за прв пат. Луѓето често губат. Ова е мојот предизвик. Сакам предизвик и нема да отстапам. Сакам да се покажам повеќе од кога било. Кога моите играчи ќе се вратат од повредите, не се сомневам дека повторно ќе бидеме во подобра форма, изјави тренерот.

Гвардиола е на чело на Манчестер сити од 2016 година. Под негово водство, тимот стана победник на Лигата на шампионите, шесткратен шампион на Англија и двократен победник на Националниот куп, а исто така освои и голем број други трофеи.