Хаг: 140 жртви сведочат против Тачи и другите водачи на ОВК
Специјализираните совети на Косово соопштија дека е одобрено учество на 140 жртви против поранешниот косовски претседател Хашим Тачи и други водачи на ОВК.
Судењето на Тачи, Кадри Весели, Реџеп Селими и Јакуп Красниќи треба да започне утре во 9:30 часот со воведните зборови на обвинителството и одбраната, две и пол години по нивното апсење и притворање во Хаг, каде се уште се наоѓаат.
Што се однесува до жртвите, судот во Хаг одобри учество на оние кои докажале дека претрпеле физичка, психичка или материјална штета како директна последица на кривичното дело наведено во потврденото обвинение.
Ова се однесува и на лицата кои претрпеле директна штета, и на оние кои биле оштетени индиректно, на пример, поради блиска врска со директната жртва, односно лице кое, според обвинението, било убиено или повредено.
Судечкиот совет најави дека изведувањето на доказите на судењето, вклучително и првите сведоци на обвинителството, ќе започне на 11 април. Специјализираното обвинителство утре ќе го изнесе воведниот збор, за што му се одобрени најмногу пет часа.
Потоа воведниот говор ќе го прочита претставникот на жртвите, кој има на располагање 45 минути. После тоа, секој од четирите тимови од одбраната ќе има можност да даде воведна изјава, која е закажана за 4 април.
Отворените зборови се закажани за 3, 4 и 5 април, со почеток во 9:00 часот, а ќе бидат на албански, српски и англиски јазик, објавено е на веб-страницата на Специјализираните комори.
Отворените зборови се закажани за 3, 4 и 5 април, со почеток во 9:00 часот, а ќе бидат на албански, српски и англиски јазик, објавено е на веб-страницата на Специјализираните комори.
Како што се наведува во соопштението, првичното обвинение против четворицата обвинети е потврдено на 26.10.2020 година, а дополнето е на 03.09.2021 година, на 29 април минатата година и на 30 септември минатата година, а потоа обвинителниот акт со помалку избришан текст е поднесен на 27 февруари и тоа е оперативното обвинение за овој случај.
Четворицата обвинети се товарат врз основа на индивидуална кривична одговорност во шест точки за злосторства против човештвото: прогон, затвор, други нехумани дела, тортура, убиства и присилно исчезнување на лица“, се вели во соопштението.
Покрај тоа, секој од обвинетите се товари за четири точки од обвинението за воени злосторства, и тоа: незаконско и самоволно апсење и лишување од слобода, сурово постапување, тортура и убиства.
Во обвинението се наведува дека овие злосторства биле извршени од март 1998 година до крајот на септември 1999 година најдоцна на многу места низ Косово, како и во Кукеш и Чахан, во северна Албанија.
Според обвинението, тие злосторства ги извршила Ослободителната војска на Косово против стотици цивили и лица кои не учествувале во воените дејствија.
Во обвинението се тврди дека Тачи, Весели, Селими и Красниќи се поединечно кривично одговорни врз основа на различни видови кривична одговорност за кривични дела извршени во контекст на немеѓународниот вооружен конфликт на Косово, кои биле дел од поширок систематски напад врз цивилното население за кое се веруваше дека не ја поддржува ОВК.
