Храна што треба да се избегнува во лето

При тропските температури со коишто се соочуваме во последно време, изборот на намирници што ги внесуваме во текот на денот може да помогне во полесно справување со горештините.

Летото е време кога ни одговара лесна и освежителна храна, а за време на топло време е добро да избегнуваме намирници кои го прават токму спротивното. На пр., многу луѓе сакаат да користат зачини, но внимавајте да не се претера… Ни налето, ниту зиме не е добро да се претера со зачините, бидејќи тие ја креваат телесната температура, оти го стимулираат метаболизмот. Заедно со зачините, обично има и месо или сосови со месо. Тешките сосови, дури и оние со морски плодови, можат да предизвикаат прекумерно потење и дигестивни проблеми, пренесува хрватскиот портал „Ординација“.

Посебно лете, препорачливо е да се избегнува и мрсна брза храна, којашто е пржена, чадена и зачинета, бидејќи тука свежината може да ја нема воопшто… Тоа може да предизвика проблеми со дигестивниот систем, но и труење, што секако ќе го уништи летото, морските радости или годишниот одмор.

Од друга страна, пак, она што вообичаено совршено одговара со чаша црвено вино, е сирењето. Покрај тоа што содржи многу калории, сепак, премногу сирење може да направи да се чувствувате надуено и тромо, па затоа е подобро да го намалите и неговиот внос налето. Советот гласи – без претерување.

Можеби ќе ве интересира
Close
Back to top button
Close