Интерпелацијата за Гаши во септември пред пратениците, молитвата во Собрание и секуларноста не одат заедно
Правниот тим на Левица ја подготвува интерпелацијата за претседателот на Собранието Африм Гаши за прекршување на секуларноста. Но тоа е само еден момент од пет до шест основи коишто ќе бидат наведени во интерпелацијата за претседателот на Собранието за прекршување на Уставот и на законите и во моментот кога ќе биде подготвена, ние ќе ја поднесеме, вели за „Слободен печат“ пратеникот Борислав Крмов.
Против претседателот на Собранието Африм Гаши само два месеци по изборот на функцијата ќе биде поднесено барање за интерпелација и веќе во септември ќе треба да се соочи со пратениците за иницијативата за негово разрешување.
Добиј ги најважните вести, бесплатно на Viber
Интерпелацијата, којашто веќе ја подготвува пратеничката група на Левица против претседателот на Собранието ќе се однесува на прекршување на секуларноста, заклетвата на албански јазик и на двојазичните материјали кои пратениците неалбанци ги добиваат во Законодавниот дом.
Координаторот на пратеничката група на Левица, Борислав Крмов, за „Слободен печат“ вели дека нема да чекаат 100 дена од новата власт и дека правниот тим веќе работи на подготовка на интерпелацијата.
– Правниот тим на Левица ја подготвува интерпелацијата за претседателот на Собранието Африм Гаши за прекршување на секуларноста. Но тоа е само еден момент од од пет-шест основи коишто ќе бидат наведени во интерпелацијата за претседателот на Собранието за прекршување на Уставот и на законите и во моментот кога ќе биде подготвена, ние ќе ја поднесеме. Нема да чекаме 100 дена од новата власт, бидејќи тоа е некој вид неформален договор, а и самиот премиер изјави дека тие не сакаат да им даваат 100 дена од владеењето, туку дека сакаат уште во старт да бидат изложени на критика, и ќе ја добијат – ни изјави Крмов.
…
