Карни во вторник ќе се сретне со Трамп во Вашингтон

Канадскиот премиер Марк Карни денеска изјави дека во вторник во Вашингтон ќе се сретне со американскиот претседател Доналд Трамп.

Карни, поранешен гувернер на канадската централна банка, рече дека не сака да се преправа дека тие разговори ќе бидат лесни.

Тој нагласи дека Канаѓаните избрале нова влада „која ќе му се спротивстави на Трамп и ќе изгради силна економија“.

Карни и Трамп претходно оваа недела разговараа телефонски и се согласија наскоро да одржат состанок во живо.

Трамп минатата недела изјави дека „навистина не трола“ кога зборува за претворање на Канада во 51-ва американска држава.

Минатиот месец Трамп воведе царини од 25 отсто на канадските стоки и 10 отсто на енергенсите.

Карни за време на предизборната кампања редовно ги нарекуваше акциите на САД „предавство“ и велеше дека ќе се залага за разговори за изградба на нови безбедносни и одбранбени врски