Лиз Трас се откажа од присуство на состанокот на Г20

Британската министерка за надворешни работи Лиз Трас нема да присуствува на претстојниот состанок на министрите за надворешни работи на Г-20 во Индонезија, закажан за денеска и утре, и се враќа во земјата, јави Би-Би-Си.

Таа планира да се врати во Лондон поради оставката на премиерот и лидер на ториевците Борис Џонсон.  Откако Џонсон ја објави својата одлука да поднесе оставка како премиер и лидер на Конзервативната партија, Трас рече дека „донел правилна одлука”.

„Сега ни треба смиреност и единство, за владата да продолжи да работи додека се избира нов лидер”, напиша таа на Твитер.

Лиз Трас се смета за еден од кандидатите за лидер на ториевците.