Министерот Оливер Спасовски позитивен на Ковид-19
Министерот за внатрешни работи Оливер Спасовски вечерва на Фејсбук објави дека е позитивен на Ковид-19.
„Почитувани, би сакал да ве информирам дека и покрај строгото почитување на мерките коишто ги превземам за моја лична и заштита на луѓето околу мене од почетокот на пандемијата, вечерва добив позитивен резултат за Ковид 19.
Клиничката слика ми е добра, со благи симптоми и веќе сум во домашна самоизолација.
Чувајте се“, напиша Спасовски.
Тој два пати беше во изолација поради контакти со позитивни додека беше технички премиер.